საარჩევნო უბნების საზღვრები დაზუსტდა

N37– ახალციხისა და N38–ადიგენის გაერთიანებულ მაჟორიტარულ ოლქებში შექმნილი საარჩევნო უბნების საზღვრები უკვე დადგენილია. უბნის კონკრეტულ მისამართები და შენობა–ნაგებობების ნუსხა, ცენტრალური საარჩევნო კომისიის ვებ–გვერდზე გამოქვეყნდება.

N44–ე მაჟორიტარულ ოლქში განმარტავენ, რომ 8 ოქტომბრის საპარტამენტო არჩევნებზე ახალციხის მასშტაბით – 35, ხოლო ადიგენის მასშტაბით 18 საარჩევნო უბანი განთავსდება.

სარჩევნო კოდექსის მიხედვით, საარჩევნო უბანი არანაკლებ 20 და არაუმეტეს 1500 ამომრჩევლისათვის იქმნება, უბნის საზღვრებსა და ნომრებს შესაბამისი საოლქო საარჩევნო კომისია ადგენს.

ცესკოს მონაცემებით, #44 მაჟორიტარულ ოლქში 15 ივნისის მდგომარეობით, 50 008 ამომრჩეველია.

[sknews.ge]