საოლქო კომისიებმა საუბნო კომისიების წევრები შეარჩიეს

საუბნო საარჩევნო კომისიის წევრთა შესარჩევად, #44 მაჟორიტარულ ოლქში სპეციალური სხოდმა 22 აგვისტოს გაიმართა. კონკურსის შედეგად მიღებული 628 განაცხადიდან კომისიამ 318 დააკმაყოფილა.

ახალციხის მუნიციპალიტეტში – 35, ხოლო და ადიგენის მასშტაბით 18 საარჩევნო უბანზე საოლქო საარჩევნო კომისიამ წევრები გამოცდილების მიხედვით შეარჩია. თითოეული უბნისათვის, კანონმდებლობის მიხედვით, ექვსი წევრი შეირჩა.

უბნების დასაკომპლექტებლად სხდომა გაიმართა #45–ე მაჟორიტარული ოლქშიც. 70 უბნიდან მხოლოდ ერთ მათგანში, #23–ე ციხისჯვრის სარჩევნო უბანში ხუთი წევრი შევიდა. როგორც #45–ე საოლქო საარჩევნო კომისიის თავმჯდომარე, ლევან დევიძე ამბობს, ამ უბანზე მხოლოდ ხუთი განაცხადი იყო შესული, რაც შეეხება მეექვსე წევრს, მისი დანიშვნის შესახებ გადაწყვეტილება ცესკომ უნდა მიიღოს.

#45–ე მაჟორიტარულ ოლქში სულ 564 განაცხადი იყო შესული, მათან 419 დაკმაყოფილდა. ექვს–ექვსი წევრით დაკომპლექტდა ბორჯომის – 30, ასპინძის – 23 და ახალქალაქის – 17 საარჩევნო უბანი.

უკვე შერჩეულია კანდიდატები #46 მაჟორიტარულ ოლქშიც. ახალქალაქის მუნიციპალიტეტში – 53 უბანი, ხოლო ნინოწმინდის მასშტაბით – 36 უბანი დაკომპლექტდა.

შეგახსენებთ, რომ საოლქო კომისიებს, საუბნო საარჩევნო კომისიის წევრთა შერჩევის ვადა 23 აგვისტომდე ჰქონდათ. თუმცა თითოეულ ოლქში ექვსი წევრის შერჩევით უბნების დაკომპლექტება არ სრულდება. საბოლოოდ, საუბნო კომისიის კიდევ 7 წევრს, 8 სექტემბამდე პარტიები დანიშნავენ, რის შემდეგაც, უბნები ადგილზე გაიხსნება.

საბოლოოდ, თითოეული უბანი საარჩევნო კომისიის 13 წევრით განისაზღვრება.

[თაკო ფეიქრიშვილი, ახალციხე]