სამცხე–ჯავახეთში საარჩევნოდ 212 უბანი გაიხსნება

8 ოქტომბრის საპარლამენტო არჩევნებისთვის, სამცხე–ჯავახეთის მასშტაბით, 212 საარჩევნო უბანი გაიხსნება. სამივე მაჟორიტარულ ოლქში უკვე შერჩეულია საუბნო საარჩევნო კომისიის წევრები. მათი 6 წევრი, განცხადებების საფუძველზე, შესაბამის საოლქო სარჩევნო კომისიებმა შეარჩიეს, 7 წევრი კი პოლიტიკურმა პარტიებმა დაინიშნეს.

ახალციხე – ადიგენის, ბორჯომი – ასპინძისა და ახალქალაქი – ნინოწმინდის მაჟორიტარულ ოლქებში კომისიის წევრები შვიდმა პარტიამ წარადგინა:

1. "საქართველოს კონსერვატიული პარტია“;
2. "მრეწველობა გადაარჩენს საქართველოს“ ;
3. "თავისუფალი დემოკრატები“;
4. "გაერთიანებული დემოკრატიული მოძრაობა“;
5. "საქართველოს რესპუბლიკური პარტია“;
6. "ერთიანი ნაციონალური მოძრაობა“;
7. "ქართული ოცნება“.

ყველა მათგანმა თოთოეული უბნისათვის ერთი წევრი დაასახელა.

საბოლოოდ, #44–ე მაჟორიტარულ ოლქში 53 საარჩევნო უბანი დაკომპლექტდა (35–ახალციხე, 18 – ადიგენი);
#45–ე მაჟორიტარულ ოლქში 70 საარჩევნო უბანი (ბორჯომი – 30, ასპინძა – 23, ახალქალაქი – 17)
#46–ე მაჟორიტარულ ოლქში 89 საარჩევნო უბანი (ახალქალაქი – 53, ნინოწმინდა – 36)

212 საარჩევნო უბანზე პოლიტიკურმა პარტიებმა სულ 1 484 კომისიის წევრი დანიშნეს.
პირველი სხდომები უბნებზე 8 სექტემბერს გაიმართება.

[თაკო ფეიქრიშვილი, ახალციხე]