ახალციხე–ადიგენის ოლქში საუბნო კომისიების დაკომპლექტება დასრულდა

პოლიტიკური პარტიებს, საუბნო საარჩევნო კომისიის წევრთა დანიშვნის შესახებ გადაწყვეტილება, შესაბამისი საოლქო კომისიებისათვის 29 აგვისტოს ჩათვლით უნდა ეცნობებინათ. მათ მიერ მიწოდებული სიების შესაბამისად, #44–ე მაჟორიტარულ ოლქში, 53 უბანი სრულად დაკომპლექტდა.

ადიგენის მასშტაბით 18, ხოლო ახალციხის მუნიციპალიტეტში 35 საარჩევნო უბანზე საკუთარი წარმომადგენლები შვიდმა პოლიტიკურმა პარტიამ დანიშნა. მათ საოლქო საარჩევნო კომისიას, თოთოეულ უბანზე, ერთი წარმომადგენლის მონაცემები მიაწოდეს.

ადიგენისა და ახალციხის მასშტაბით საარჩევნო უბნებზე შემდეგი პოლიტიკური პარტიების წარმომადგენლები იმუშვებენ:

1. "საქართველოს კონსერვატიული პარტია“;
2. "მრეწველობა გადაარჩენს საქართველოს“ ;
3. "თავისუფალი დემოკრატები“;
4. "გაერთიანებული დემოკრატიული მოძრაობა“;
5. "საქართველოს რესპუბლიკური პარტია“;
6. "ერთიანი ნაციონალური მოძრაობა“;
7. "ქართული ოცნება“.

#44–ე საარჩევნო ოლქში განმარტავენ, რომ პრობლემა არცერთი კანდიდატის დანიშვნას არ მოჰყოლია. ყველა მათგანის დოკუმენტაცია სრულყოფილი იყო.

[თაკო ფეიქრიშვილი, ახალციხე]