ცესკო: საუბნო საარჩევნო კომისიებში წევრობის სურვილი 35,956-მა ადამიანმა გამოთქვა

ცესკოს ცნობით, სულ შექმნილია 3 634 საუბნო საარჩევნო კომისია. საოლქო საარჩევნო კომისიებს საუბნო საარჩევნო კომისიების 6 წევრის ასარჩევად ვადა 23 აგვისტოს ჩათვლით აქვთ.

კონკურსში მონაწილეობის მსურველებს, შესაბამის საოლქო საარჩევნო კომისიაში საბუთების წარსადგენად ვადა 3-დან 17 აგვისტოს ჩათვლით ჰქონდათ. მსურველთათვის პროცედურების გამარტივების მიზნით, ცესკომ განცხადების სარეკომენდაციო ფორმა შეიმუშავა, რომელიც ხელმისაწვდომი იყო როგორც საოლქო საარჩევნო კომისიებში, ისე ცესკოს ვებ-გვერდზე.

შეგახსენებთ, სამცხე–ჯავახეთის საოლქო კომისიებში საუბნო კომისიების წევრობის მსურველთა 1766 განაცხადი შევიდა.

უფრო კოკრეტულად:

N44–ე ახალციხე–ადიგენის მაჟორიტარულ ოლქში 628 განაცხადი შევიდა, საიდანაც 318 კანდიდატი უნდა შეირჩეს.
მიღებული განაცხადების რიცხვი ამ ოლქში შემავალი ოლქების მიხედვით, ასეთია:
N37–ე ახალციხის საარჩევნო ოლქი – 379 განაცხადი;
N38–ე ადიგენის საარჩევნო ოლქი – 249 განაცხადი.

N45–ე ბორჯომი–ასპინძა–ახალქალაქის მაჟორიტარულ ოლქში 564 განაცხადი შევიდა, საიდანაც 420 უნდა შეირჩეს.
მიღებული განაცხადების რიცხვი ცალკეული ოლქების მიხედვით ასეთია:
N36–ე ბორჯომის საარჩევნო ოლქი – 272 განაცხადი;
N40–ე ახალქალაქის საარჩევნო ოლქი – 105განაცხადი;
N39 – ე ასპინძის საარჩევნო ოლქი – 187 განაცხადი.

N46–ე ახალქალაქი–ნინოწმინდის მაჟორიტარულ ოლქში 574 განაცხადი შევიდა. ამათგან:
#40–ე ახალქალაქის საარჩევნო ოლქი – 338 განაცხადი;
#41 – ე ნინოწმინდის საარჩევნო ოლქი 236 განაცხადი;

გარდა იმისა, რომ საოლქო საარჩევნო კომისიები საუბნო საარჩევნო კომისიებში ირჩევენ წევრებს, უფლებამოსილი პარტიები შესაბამის საოლქო საარჩევნო კომისიას საუბნო საარჩევნო კომისიის წევრის დანიშვნის შესახებ გადაწყვეტილებას არა უგვიანეს 29 აგვისტოსი (არჩევნებამდე არაუგვიანეს მე-40 დღისა) წარუდგენენ.