სვირის 'რწმუნებული' 60 წლის ქალის მდგომარეობაზე: საგანგაშო საქმე არ ყოფილა

"გაფრთხილებული მყავდა ეგ ოჯახი, რომ ხელი არ დაეკარებინათ მეორედ", – ამბობს გამგებლის წარმომადგენელი და ამატებს, რომ ეს ამბავი მთელმა სოფელმა იცის.

კითხვაზე, რატომ არ აცნობა გამგეობას, გვპასუხობს, რომ საჭიროდ არ ჩათვალა და მას შემდეგ რაც ჩვენ ინფორმაცია გავავრცელეთ მას პრობლემები შეექმნა: "თქვენ დაწერეთ, რომ გამგებელი ორჯერ შეესწრო ჩხუბსო, მე ამით შემექმნა ძალიან დიდი პრობლემები, გამგეობაში არავინ იცოდა. არ იყო ეგეთი პრობლემა. საგანგაშო საქმე არ ყოფილა".

შეგახსენებთ, სოფელ სვირში მცხოვრები 60 წლის ქალის შესახებ „სამხრეთის კარიბჭემ“ მასალა გუშინ მოამზადა. სოფელში ამბობენ, რომ უმწეო ქალს მისი რძალი სცემს, მთელი დღე ქალი ნახევრად შიშველი აივანზე დახოხავს. სახლიდან კი გამუდმებით ყვირილისა და ტირილის ხმა ისმის.

[sknews.ge]