საბავშვო ბაღებში სველი წერტილები რემონტდება

ქალაქის რვა სკოლამდელი დაწესებულების რემონტისთვის ადგილობრივი ბიუჯეტიდან 131,000 ლარია გამოყოფილი. სარემონტო სამუშაოებს ოთხი ფირმა აწარმოებს. ხელშეკრულების თანახმად, სამუშაოები 4 თებერვლამდე უნდა დასრულდეს.

სარემონტო სამუშაოების დასრულების შემდეგ, ყველა ბაღს ექნება მოწესრიგებული სველი წერტილები, ცხელი და ცივი წყალი.

შეგახსენებთ, რომ სკოლამდელი დაწესებულებები ახალციხის მუნიციპალიტეტს საკრებულოს თავმჯდომარემ ოლეგ სანდროშვილმა ამ პოსტზე არჩევისთანავე პირველ პრიორიტეტად გამოაცხადა. ამ განცხადებიდან ერთი თვის შემდეგ ააიპ ”ახალციხის სკოლამდელ დაწესებულებათა გაერთიანება”მუნიციპალიტეტის გამგობიდან საკრებულოს დაქვემდებარებაში გადავიდა.

ახალციხის მუნიციპალიტეტში ცხრა სკოლამდელი აღზრდის დაწესებულებაა, სადაც 1,100 აღსაზრდელი ჰყავთ. შენობების უმეტესობას დიდი ხანია კაპიტალური რემონტი არ ჩასტარებია.

[თინათინ ზაზაძე, ახალციხე]