საბავშვო ბაღებში საკადრო ცვლილებები იგეგმება

”განცხადება არ დამიწერია, ჩვეულებრივად ვაგრძელებ მუშობას”, - აცხადებს ქობესაშვილი.

ახალციხის მუნიციპალიტეტის საკრებულოს თავმჯდომარე ოლეგ სანდროშვილი კი გაერთიანებაში საკადრო ცვლილებებს არ გამორიცხავს: ”ბაღების გარდა, რამდენიმე ააიპ-ი ჯერ კიდევ გადმოცემის პროცესშია. აქამდე გამგეობა ნიშნავდა ხელმძღვანელს, ახლა ეს ფუნქციები საკრებულოს გადმოეცა. თავისთავად ცხადია, მოხდება ცვლილებიც”.

მოსალოდნელი საკადრო ცვლილებების შესახებ ქობესაშვილს ინფორმაცია არ აქვს.

შეგახსენებთ, რომ ააიპ ”ახალციხის სკოლამდელ დაწესებულებათა გაერთიანება” გასული წლის დეკემბერში მუნიციპალიტეტის გამგობიდან საკრებულოს დაქვემდებარებაში გადავიდა. ცვლილებები შევიდა წესდებაშიც, შესაბამისად, გაერთიანების ხელმძღვანელს გამგებლის ნაცვლად საკრებულოს თავმჯდომარე დანიშნავს.

შეგახსენებთ, რომ ამ ეტაპზე საბავშო ბაღებში სარემონტო სამუშაოების გამო სასწავლო პროცესი შეჩერებულია. ქობესაშვილის თქმით, სწავლა პირველ თებერვალს დაიწყება.

ახალციხის სკოლამდელი აღზრდის დაწესებულება 2007 წლის 1 აპრილიდან ჩამოყალიბდა. გაერთიანებაში შედის ახალციხის 8 და ქ. ვალის 1 საბავშვო ბაგა-ბაღი, სადაც 27 სააღმზრდელო ჯგუფი მუშაობს.

[თინათინ ზაზაძე, ახალციხე]