ბორჯომში სამი ბაღის რეაბილიტაცია მიმდინარეობს

ბორჯომის საბავშვო ბაღებში სარემონტო სამუშაოებს ორი ფირმა: „ქართუ მშენი“ და შპს „საბა“ ასრულებს.

ლიკანში მდებარე N3 საბავშვო ბაღს სრული რეაბილიტაცია უტარდება. აქ სამუშაოებს კომპანია „ქართუ მშენი“ ასრულებს, რისთვისაც 154.335 ლარია გამოყოფილი. ხელშეკრულების თანახმად კომპანიამ სამუშაოები 3 ნოემბრამდე უნდა დაასრულოს.

N1 ბაგა–ბაღის რემონტისთვის 35.856 ლარი გამოიყო. N1 ბაღს კი მხოლოდ შენობის ფასადს მოუწესრიგებენ. ორივე ბაღის რემონტს შპს „საბა“ აწარმოებს. სამუშაოები 5 ოქტომბრამდე უნდა დასრულდეს.

ბორჯომში სულ 11 ბაღია, აქედან 1 ალტერნატიული, რომელიც ბორჯომის სკოლამდელი აღზრდის დაწესებულებათა გაერთიანებაში არ შედის. ბაღებში 650–მდე აღსაზრდელი დადის.

[თინათინ ზაზაძე, ბორჯომი]