ადიგენს „სოფლის მხარდაჭერის პროგრამის“ ფარგლებში 562 524 ლარი ერგო

ადიგენის მუნიციპალიტეტში „სოფლის მხარდაჭერის პროგრამის“ ფარგლებში გამოყოფლი 562 524 ლარი, 21 ადმინისტრაციულ ერთეულზე გადანაწილდება. რაში დახარჯავს მოსახლეობა კუთვნილ თანხას რამდენიმე კვირაში გაირკვევა.

პრიორიტეტების გამოსავლენად, ადგილობრივი თვითმმართველობის წარმომადგენლები მოსახლეობასთან შეხვედრას მომავალი კვირიდან, 29 თებერვლიდან დაიწყებენ.

შეგახსენებთ, რომ 2015 წელს „სოფლის მხარდაჭერის პროგრამის“ ფარგლებში 545 017 ლარი იყო გათვალისწინებული. გასულ წელს ადიგენის სოფლებში დაახლოებით 80 პროექტი განხორციელდა. ადგილობრივების უმეტესობამ პრიორიტეტად რიტუალების სახლის რეაბილიტაცია და ინვენტარით აღჭურვა დაასახელა.

[თინათინ ზაზაძე, ადიგენი]