ახალციხეში „სოფლის მხარდაჭერის პროგრამის“ ფარგლებში 1 084 900 ლარი დაიხარჯა

ახალციხის მუნიციპალიტეტში „სოფლის მხარდაჭერის პროგრამის ფარგლებში“ მიმდინარე წელს 57 პროექტი განხორციელდა, რისთვისაც 1 084 900 ლარი დაიხარჯა.

აღნიშნულის შესახებ 17 დეკემბერს, საკრებულოს სხდომაზე ახალციხის მუნიციპალიტეტის გამგეობის ინფრასტრუქტურის სამსახურის უფროსმა ნოდარ ბალახაშვილმა ისაუბრა.

მისი თქმით, „სოფლის მხარდაჭერის პროგრამის“ ფარგლებში გამოყოფილი თანხა ახალციხის სოფლებისთვის 641,451 ლარი იყო, თანხის ნაწილი 433 950 ლარი ადგილობრივი ბიუჯეტიდან დაემატა.

57 პროექტიდან 11–ის სარეაბილიტაციო და სამშენებლო სამუშაოებიდან 9. 499 ლარი დაიზოგა. ამ თანხით ვალეში, ე.წ. მეორე შახტაში დაზიანებული სახურავებისთვის გადასახურ მასალას შეიძენენ.

[თინათინ ზაზაძე, ახალციხე]