ახალციხის მუნიციპალიტეტში სოფლის მხარდაჭერის პროგრამის ფარგლებში პრიორიტეტებს ირჩევენ

გზა, რიტუალების სახლი, სასმელი და სარწყავი წყალი ეს ის ძირითადი, პრიორიტეტებია, რომლებიც სოფლის მხარდაჭერის პროგრამის ფარგლებში უნდა განხორციელდეს.

„ძირითადი ნაწილი სოფლების მოვიარეთ. უკვე გამოიკვეთა პრიორიტეტებიც, თუმცა ჯერ საბოლოოდ არ გადწყევტილა რომელ სოფელში რა უნდა გაკეთდეს, დაგვრჩა რამდენიმე სოფელი, რომელსაც ამ კვირაში შემოვივლით და ამით დასრულდება ჩევნი შეხვედრები მოსახლეობასთან“, – ამბობს გურამ მელიქიძე.

10 თებერვალს ახალციხის მუნიციპალიტეტის გამგეობაში გამართულ თათბირზე ინფრასტრუქტურის, სივრცითი მოწყობის, არქიტექტურისა და მშენებლობაზე ზედამხედველობის სამსახურის უფროსმა ნოდარ ბალახაშვილმა გამგებლის წარმომადგენლებს სთოხვა, რომ აქცენტს რიტუალების სახლის რეაბილიტაციაზე ნუღარ გააკეთებენ.

„არის სოფლები, სადაც ისევ პრიორიტეტად რიტუალების სახლები გამოიკვეთა, ამიტომ ჩემი თხოვნა იქნება და ამას სამინისტროც ითხოვს, რომ ძირითადი აქცენტი რიტუალების სახლებზე აღარ გაკეთდეს“, – ამბობს ნოდარ ბალახაშვილი.
როგორც ახალციხის მუნიციპალიტეტის გამგეობაში განმარტავენ სოფლებში პრიორიტეტების განხორციელება მიმდინარე წლის გაზაფხულზე დაიწყება და ამავე წლის შემოდგომას დასრულდება.

[მანანა სარაშვილი, ახალციხე]