გათავისუფლებულმა თანამშრომელმა ‘ახალციხის ციხის’ წინააღმდეგ სასამართლოს მიმართა

ჯუნა ნათენაძემ სასამართლოს დღეს, 18 იანვარს მიმართა.

„ვითხოვთ გათავისუფლების ბრძანების ბათილად ცნობას, ასევე სამსახურში აღდგენასა და განაცდური საათების ანაზღაურებას გათავისუფლების დღიდან. გარდა ამისა, მანამდე, ვიდრე სამსახურში აღდგება ვითხოვთ ასანაზღაურებელი თანხის 0.07 პროცენტს ყოველ ვადაგადაცილებულ დღეზე“, –ა ამბობს ჯუნა ნათენაძის ადვოკატი სოსო ხითარიშვილი.

მისი თქმით, სარჩელს წარმოებაში ხუთი დღის განმავლობაში მიიღებენ.

შეგახსენებთ, რომ ჯუნა ნათენაძე სამსახურიდან 2015 წლის 31 დეკემბერს გაათავისუფლეს. მასთან ერთად გაათავისუფლეს კიდევ რვა თანამშრომელი. მათი გათავისუფლების შემდეგ კი ხუთ თანამშრომელს ხელფასი გაუზარდეს.

[თინათინ ზაზაძე, ახალციხე]