„ჯინო–ველნეს–რაბათის“ ყოფილი თანამშრომელი სააპელაციოში აღარ ჩივის

ახალციხის რაიონული სასამართლოს მოსამართლემ შალვა მჭედლიშვილმა სასტუმრო "ჯინო ველნეს რაბათის" ყოფილი თანამშრომლის ნინო ბერიძის სარჩელი არ დააკმაყოფილა. მოსარჩელე სამსახურიდან მისი გათავისუფლების შესახებ ბრძანების ბათილად ცნობას, სამსახურში აღდგენას და იძულებით განაცდური საათების ანაზღაურებას ითხოვდა.

გადაწყვეტილების გამცოხადებისას მოსარჩელე ამბობდა, რომ დავას სააპელაციო სასამართლოში გაგარძელებდა, თუმცა გადაიფიქრა.

„პირადი პრობლემები მაქვს, ფინანსურადაც არ მეწყობა ხელი, ამიტომ ეს საკითხი ჩემთვის მეორე ხარისხოვანია“, – ამბობს ნინო ბერიძე.

მისი ადვოკატი იოსებ ხითარიშვილი დარწმუნებულია, რომ თუ ხაჭაპურიძის გადაწყვეტილებას სააპელაციოში გაასაჩივრებდნენ, აუცილებლად მოიგებდნენ: „თუმცა ნინომ ასე გადაწყვიტა“.

შეგახსენებთ, სასტუმრო „ჯინო ველნესის“ წინააღმდეგ ყოფილმა თანამშრომელმა ახალციხის სასამართლოში სარჩელი 3 აგვისტოს შეიტანა. ნინო ბერიძე მისი გათავისუფლების შესახებ ბრძანების ბათილად ცნობას, სამსახურში აღდგენას და იძულებით განაცდური საათების ანაზღაურებას ითხოვდა.

[თამუნა უჩიძე, ახალციხე]