„ახალციხის ციხეს“ ყოფილი თანამშრომელი სასამართლოში უჩივის

„ახალციხის ციხის“ ყოფილი თანამშრომელი ჯუნა ნათენაძე სასამართლო საჩივარს უახლოეს დღეებში შეიტანს.

„ჩემ სამწლიან მუშაობას ვასაჩივრებ. ხელშეკრულებებში ყველას გვეწერა, რომ თანამშრომლები თანაბარუფლებიანები ვიყავით, მაგრამ ასე არ იყო. სამი წლის განამვლობაში ზოგიერთს პრემია მისცეს, ზოგიერთს კი დანამატი, მე კი ეს მხოლოდ ერთხელ, ისიც ნათია ხუციშვილის (ამჟამად ახალციხის ციხის დირექტორის მოადგილე ‘ს.კ’) აქტიურობით შემეხო“, – ამბობს ნათენაძე და ამატებს, რომ ამ უსამართლობისთვის ციხის ბევრ თანამშრომელს პასუხის გაცემა მოუწევს.

ნათენაძეს ჯერ საჩივარი არ დაუწერია, თუმცა ამბობს, რომ სასარჩელო მოთხვონაში სამსახურში დაბრუნებასა და შტატში ჩასმასაც მიუთითებს.

„მას შემდეგ რაც ხელისუფლება შიეცვალა, დირექტორის შეცვლის შემდეგ ლაპარაკი დაიწყო იმაზე, რომ მე „ნაციონალების“ დროს მისული ვიყავი და უნდა გამოვეშვი იქიდან. ამბობდნენ, ახალი ძალით მოვდივართო, მაგრამ მაშინ გაჩერდნენ და ეს ყველაფერი გადაასხვაფერეს, თუმცა ყოველთვის ვოციდო, რომ ვიღაცეებისთვის სამიზნე ვიყავი“, – ამბობს ნათენაძე.

შეგახსენებთ, „ახალციხის ციხიდან“ ფინანსების სიმწირის გამო მიმდინარე წლის აინვრიდან ცხრა თანამშრომელი გაათავისუფლეს, მათ შორის ერთ–ერთი ჯუნა ნათენაძე იყო.

[თამუნა უჩიძე, ახალციხე]