გიდები: ‘მერი დაგვპირდა, რომ ხელშეკრულებით აყვანილებს სახლში არ გაგვიშვებენ’

მერის შეხვედრა "ახალციხის ციხის" თანამშრომლებთან. ახალციხის მერიის ფოტო

„ახალციხის ციხის“ ადმინისტრაციის წარმომადგენლებსა და გიდებთან ახალციხის მერის შეხვედრა დაახლოებთ ორ საათს მიმდინარეობდა. ქალაქის პირველ პირთან შეხვედრას გიდები ხელფასებთან და ხელშეკრულებებთან დაკავშირებული პრობლემების შესახებ ითხოვდნენ. მათ გიორგი კოპაძეს ამის შესახებ წერილობითაც აცნობეს.

როგორც გიდები აცხადებენ, შეხვედრა ძალიან საჭირო და კონსტრუქციული იყო. მათ ქალაქის პირველი პირისგან პირობა მიიღეს, რომ გიდებს, რომლებიც ხელშეკრულებით არიან აყვანილი, სახლში არ გაუშვებენ: „გვინდოდა, რომ ვითარება აგვეხსნა და ამის საშაულება მოგვეცა. ძალიან შინაარსიანი შეხვერდრა იყო, შეიძლება ითქვას, რომ ყინული გალღვა“.

შეხვედრა რომ შინაარსიანი იყო, ამაზე ახალციხის მერიაშიც საუბრობენ, როგორც ახალციხის მერის მოადგილე ზაზა გელაძე აცხადებს, ყველაფერი სასიკეთოდ გადაწყდა: „ჯერ ვერაფერს დავაკონკრეტებ, მაგრამ ამ გადაწყვეტილების შინაარსს მომავალში გაიგებთ“.

შეხვედრა მერიისა და ახალციხის ციხის წარმომადგენლებს შორის „ახალციხის ციხეზე“ 12 ოქტომბერს შედგა.

შეგახსენებთ, რომ „ახალციხის ციხის“ თანამშრომლები დატვირთულ სამუშაო განრიგზე, დაბალ ანაზღაურებასა და მოკლევადიან ხელშეკრულებებზე ჩივიან. მათი თქმით, ყოველი წლის ბოლოს, ზამთრის მოახლოებისას, სამსახურიდან გათავისუფლების მოლოდინი აქვთ.

[თამუნა უჩიძე, ახალციხე]