რელიგიური ნიშნით დისკრიმინაციის საქმეზე სარჩელი არ დაკმაყოფილა

ახალციხის რაიონული სასამართლოს მოსამართლემ გიორგი ლონდარიძემ გადაწყვეტიელბის სარეზოლუციო ნაწილი დღეს, 13 ოქტომბერს, გამოაცხადა. მან სოფელ მოხეში გამგებლის ყოფილი წარმომადგენლის თეიმურაზ მიქელაძის სარჩელი არ დააკმაყოფილა.

გადაწყვეტილების გამოცხადებას, მოპასუხე მხარე, ადიგენის მუნიციპალიტეტის გამგეობის იურისტი გიორგი ჩიხრაძე არ ესწრებოდა. მიქელაძე კი აცხადებს, რომ აღნიშნულ გადაწყვეტიელბას სააპელაციო სასამართლოში აუცილებლად გაასაჩივრებს.

შეგახსენებთ რომ, თეიმურაზ მიქელაძე, მოხის ცნობილი მოვლენების დროს, ამავე სოფელში გამგებლის წარმომადგენლის მოვალეობას ასრულებდა. ამ დღეს იგი სისხლის სამართლის წესით დააკავეს და როგორც თავად აცხადებს, პოლიციამ იგი სასტიკად სცემა. ასევე, თეიმურაზ მიქელაძემ საჯაროდ გააპროტესტა შინაგან საქმეთა სამინისტროს გადაწყვეტილება, სოფელ მოხეში გახსნილი პოლიციის განყოფილების უფროსად გელა კოხოძის დანიშვნის შესახებ.

მოგვიანებით კი ადიგენის მუნიციპალიტეტის გამგეობაში საჯარო მოხელეთა შესარჩევი კონკურისის შემდეგ მას მოხეს რწმუნებულად დანიშნვნაზე უარი განუცხადეს. „ადამიანის უფლებების სწავლებისა და მონიტორინგის ცენტრი“ ამტკიცებს, რომ თეიმურაზ მიქელაძის მიმართ დისკრიმინაციულ მოპყრობას ჰქონდა ადგილი.

[თამუნა უჩიძე, ახალციხე]