თვითმმართველი თემის ახალციხის ბიუჯეტში მერვედ შევიდა ცვლილებები

დღეს, 9 ოქტომბერს, ახალციხის მუნიციპალიტეტის საკრებულოს სხდომაზე, მიმდინარე წლის ბიუჯეტში შესატან ცვლილებებს უყარეს კენჭი.

საფინანსო–საბიუჯეტო სამსახურის უფროსის გელა ლომიძის განმარტებით, ადგილობრივ ბიუჯეტში ცვლილება საქართველოს მთავრობის 2015 წლის 14 სექტემბრის N1981 განკარგულების საფუძველზე მოხდა: „ვალეში, ნაპირსამაგრი სამუშაოებისთვის დაგვემატა 200.000 ლარი. რის მიხედვითაც შემოსულობებმა 2015 წლის ბიუჯეტში შეადგინა 7.071.300 ლარი. ხოლო გადასახდელებმა 8. 227.000 ლარი“.

2015 წლის ბიუჯეტში შიდა ცვლილებებიც განხორციელდა. კერძოდ, ააიპ სამუსიკო და სახელოვნებო სკოლების სოციალური დახმარების მუხლი შემცირდა1.050 ლარით და აღნიშნული თანხით გაიზარდა, ქალაქ ვალის სამუსიკო სკოლის სუბსიდიის მუხლი. როგორც საფინანსო–საბიუჯეტო სამსახურის უფროსი განმარტავს, ცვლილება გამოწვეულია იმით, რომ სამუსიკო სკოლაში მოსწავლეების ტრასნპორტირება უნდა მოხდეს წყალთბილის თემიდან.

ბიუჯეტში მესამე ცვლილება ადგილობრივ ბიუჯეტში კომპიუტერის და ქსეროქსის შესაძენად განხორციელდა.

„ტრანსპორტის ექსპლუატაცია მოვლა – შენახვის ხარჯი შემცირდა 1600 ლარით და აღნიშნული თანხით გაიზარდა არაფინანსური აქტივობების მუხლი, იგივე ორგანიზაციულ კოდში, აღნიშნული თანხა გვესაჭიროება კომპიუტერის და ქსეროქსის შესაძენად“, – განმარტავს გელა ლომიძე.

[თინათინ ზაზაძე, ახალციხე]