ცვლილებები ახალციხის 2019 წლის ბიუჯეტში

ახალციხის მერის 2019 წლის 11 დეკემბერის (#32587 07) ბრძანების საფუძველზე, 2019 წლის ბიუჯეტის ოთხ მუხლში თანხა შემცირდა.

ესენია:

დასუფთავების ღონისძიებები - 17 500 ლარით;

წყალსადენისა და საკანალიზაციო ქსელის რეაბილიტაცია - 19 300 ლარით;

პარკებისა და სკვერების რეაბილიტაცია - 5 700 ლარით;

სპორტული მოედნების მოწყობა-რეაბილიტაცია 23 000 ლარით;

სულ ჯამში 65 500 ლარი, გარე განათების რეაბილიტაციასა და ექსპლუატაციას მოხმარდება.

გარდა ამისა, ცვლილება შეეხო იძულებით გადაადგილებულ პირთა, დევნილთა და უკიდურესად გაჭირვებულთა სოციალური დახმარების მუხლს, აქედან 1 700 ლარი, ხოლო აწყურში განვითარებული მეწყერის შედეგად დაზარალებული ოჯახების თანადაფინანსების მუხლიდან 3 600 ლარი ახალშობილების ერთჯერადი დახმარების მუხლში გადაიტანეს, ჯამში - 5 300 ლარი.

აღნიშნული ცვლილებების შემდეგ, ახალციხის მუნიციპალიტეტის 2019 წლის ბიუჯეტის შემოსულობების ნაწილმა სულ შეადგინა 25 785 400 ლარი, გადასახდელების ნაწილმა კი მთლიანობაში - 31 330 700 ლარი.

[თაკო ფეიქრიშვილი, ახალციხე]