ახალციხის თემის ბიუჯეტში მეხუთე ცვლილება შევიდა

ბიუჯეტში შესატან ცვლილებებზე, ახალციხის მუნიციპალიტეტის საკრებულოს დეპუტატებმა, დღეს, 17 ივნისს გამართულ სხდომაზე იმსჯელეს.

როგორც განმარტებით ბარათში ვკითხულობთ, რეგიონებში განსახორციელებელი პროექტების ფონდიდან 40.434 ლარი დაიზოგა.

გარდა ამისა, კომუნალური ხარჯებიდან, 7 000 ლარი კულტურული, ახალგაზრდული და საზოგადოებრივი ღონისძიებების დასაფინანსებლად გადავიდა. როგორც საკრებულოში განმარტეს, თანხა მუნიციპალიტეტის მასშტაბით ბიბლიოთეკებისა და კულტურულ დაწებულების ინვენტარის შეძენას მოხმარდება.

ცვლილება შეეხო სკოლამდელი აღზრდის დაწესებულებებს. კერძოდ, სკოლამდელი აღზრდის დაწესებულებებისთვის განკუთვნილი სუბსიდიიდან 5000 ლარი ამავე დაწესებულებებისთვის შენობა–ნაგებობების რეაბილიტაციისა და ინვენტარის შეძენისთვის გადაამისამართეს. 8.900 ლარი კი არაფინანსური აქტივების მუხლიდან სხვა დანარჩენი საქონელი და მომსახურების მუხლში გადაიტანეს.

ასევე, კულტურის დაწესებულებათა გაერთიანების შენობა–ნაგებობების რებილიტაციისა და ინვენტარის შესაძენად გამოყოფილი თანხა, 3.300 ლარი კი, თემის კულტურის დაწესებულებათა სუბსიდიის თანხას დაემატა.

[ვარლამ წიკლაური, ახალციხე]