ახალციხის თემის ბიუჯეტი, ნაშთის ხარჯზე, 2.390.000 ლარით გაიზარდა

ახალციხის თემის ბიუჯეტში პირველი ცვლილება დღეს, 16 თებერვალს, საკრებულოს სხდომაზე შევიდა.

საფინანსო საბიუჯეტო სამსახურის უფროსის გელა ლომიძის განმარტებით, წლის დასაწყისში თემის ბიუჯეტი 6 400 000 ლარი იყო.

„გასული წლის ნაშთითიდან, რომელიც 2 390 000 ლარია, უმეტესი ინფრასტრუქტურული პროექტების დაფინანსებას მოხმარდება, ეს დაახლოებით 2 250 000 ლარია. დარჩენილი თანხა კი 2016 წლიდან გადმოყოლილი ვალდებულებებისთვის არის გაწერილი“, – განაცხადა გელა ლომიძემ.

[თინათინ ზაზაძე, ახალციხე]