სააპელაციო სასამართლომ ვეფხვია ხუციშვილის სარჩელი არ დააკმაყოფილა

ახალციხის გამგეობის საორგანიზაციო განყოფილების ყოფილმა სპეციალისტმა ვეფხვია ხუციშვილმა თბილისის სააპელაციო სასამართლოს მას შემდეგ მიმართა, რაც ახალციხის რაიონული სასამართლოს მოსამართლემ, გასაჩივრების ვადის დარღვევის გამო, საქმის განხილვა შეწყვიტა.

ვეფხვია ხუციშვილმა საჩივარი ახალციხის მუნციპალიტეტის გამგებლის, ზაზა მელიქიძის წინააღმდეგ შეიტანა. იგი ინდივიდუალური სამართლებრივი აქტის ბათილად ცნობასა და სამსახურში აღდგენას მოითხოვდა.

გასაჩივრების ვადის დარღვევას ხუციშვილი ადვოკატს ეკა აბაშიძეს აბრალებს. ფიქრობს, რომ ადვოკატი და გამგებელი ერთად მოქმედებენ: „უფალთან აგონ პასუხი ჩემს მიმართ ჩადენილ უსამართლობაზე“.

ადვიკატი ეკა აბაშიძე კი ამბობს, რომ ის ხუციშვილის ინტერესებს არ იცავდა. მან მხოლოდ როგორც იურისტმა ხუციშვილს სარჩელი მოუმზადა.

[თინათინ ზაზაძე, ახალციხე]