ახალციხის ციხიდან გათავისუფლებულმა თანამშრომელმა საქმე სააპელაციოში გაასაჩივრა

მას შემდეგ რაც, მოსამართლე გიორგი ლონდარიძემ, ვეფხვია სამსონიძის სარჩელი არ დააკმაყოფილა და გადაწყვეტილება ახალციხის ციხის სასარგებლოდ გამოიტანა, სამსონიძემ და მისმა ადვოკატმა ეკა აბაშიძემ სააპელაციო სასამართლოს მიმართეს.

გათბობა–გაგრილების სისტემის სპეციალისტი, სამსახურში აღდგენასა და განაცდურის ანაზღაურებას ითხოვდა. 21 აგვისტოს გამართულ სხდომაზე კი მოსამართლე გიორგი ლონდარიძემ სარჩელი არ დააკმაყოფილა.

მიმდინარე წელს, ახალციხის ციხეზე, რეორგანიზაციის შედეგად, გაუქმდა შვიდი შტატი, ექვსი თანამშრომელი კი სამსახურიდან გაათავისუფლეს. ექვსიდან ორმა, სამსახურში აღდგენის და განაცდურის ანაზღაურების მოთხოვნით, სასამართლოს მიმართა. მათ შორისაა ვეფხვია სამსონიძე და ყოფილი საქმის მწარმოებლი მაია მაისურაძე, რომლის შტატიც გააუქმეს.

მოგვიანებით, 10 მაისს, ახალციხის ციხის ადმინისტრაციამ გათავისუფლებული ექვსი თანამშრომლიდან ხუთს, ტურისტული სეზონის დასრულებამდე, სამსახურში დაბრუნება შესთავაზა. აქედან სამსახურში მხოლოდ ოთხი მათგანი დაბრუნდა.

[მარიამ ბარძიმაძე,ახალციხე]