ახალციხის პირველი სკოლის მოსწავლეები დროებით ქალაქის სხვა სკოლებში ისწავლიან

ახალციხის პირველი სკოლის დაცლა უკვე დაიწყეს, შენობიდან მერხებს, სკამებს და სხვადასხვა ნივთებს პედაგოგებთან ერთად ბავშვებიც ეზიდებიან.

სარემონტო სამუშაოები სამუშაოები აქ ნოემბრის ბოლოს დასრულდება. მიუხედავად ამისა, სკოლის ადმინისტრაციაში აცხადებენ, რომ სასწავლო პროცესი არ შეფერხდება, მოსწავლეები ახალციხის მეექვსე და მესამე საჯარო სკოლებში, მეორე ცვლაში, ივლიან.

„დაწყებითი კლასის მოსწავლეები მეექვსე სკოლაში ისწავლიან, მეხუთე კლასიდან მეთორმეტეს ჩათვლით კი მესამე სკოლაში ივლიან“, – აცხადებს პირველი საჯარო სკოლის დირექტორი ჟუჟუნა გოგოლაური.

ათასწლეულის გამოწვევის ფონდის ფინანსური მხარდაჭერით, ახალციხის პირველ საჯარო სკოლას წლების შემდეგ კაპიტალური რემონტი პირველად ჩაუტარდება.

[ვარლამ წიკლაური, ახალციხე]