პირველი სკოლა სწავლის დაწყებას მესამე სკოლაში იზეიმებს

ახალციხის პირველი საჯარო სკოლა სასწავლო პროცესს მესამე და მეექვსე საჯარო სკოლებში ანახლებს. დაწყებითი კლასის მოსწავლეები სწავლას მეექვსე, მაღალი კლასები კი მესამე საჯარო სკოლაში დაიწყებენ. თუმცა პირველ დღეს, დაწყებითი კლასის მოსწავლეებსაც მესამე სკოლაში მიიღებენ.

„პირველკლასელებს იქ გადავცემთ ბუკებს და ამის შემდეგ წავიყვანთ მეექვსე სკოლში“, – ამბობს ახალციხის პირველი საჯარო სკოლის დირექტორი ჟუჟუნა გოგოლაური.

მისი თქმით, ახალ სასწავლო წელს პირველ სკოლელები მეორე ცვლაში დაიწყებენ: „საზეიმო ცერემონია დაახლოებით 13:45 საათზე დაიწყება“.

შეგახსენებთ, ახალციხის პირველ საჯარო სკოლაში ამ დრომდე სარემონტო სამუშაოები მიმდინარებს. პროექტის ჩაბარების ვადა 30 სექტემბრამდე გადაიწია. ამის შემდეგ კი სკოლის ეზოს რეაბილიტაცია დაიწყება.

[თამუნა უჩიძე, ახალციხე]