ახალი სასწავლო წლიდან მოსწავლეები აგვისტოს ომის გმირების ისტორიას ისწავლიან

2018-2019 სასწავლო წელს საპილოტე პროექტი რამდენიმე სკოლაში დაიწყება. პროექტი სკოლებში დამატებითი საგნის შემოღებას ითვალისწინებს.

„თუ შემოგვთავაზებენ აუცილებლად ჩავერთვებით, იმიტომ რომ ეს არის ჩვენი ისტორია, ეს არის ხალხი, რომელიც ზვარაკად შეეწირა თავის ქვეყანას. ჩვენ ვალდებულები ვართ ვიცოდეთ მათი ისტორია. თაობიდან თაობას გადავცეთ მათი გმირობა. ერთი სიტყვით ამ ისტორიების შესწავლა სკოლაში სავალდებულოც კია”, – ამბობს ახალციხის პირველი საჯარო სკოლის დირექტორი ჟუჟუნა გოგოლაური.

საჯარო სკოლებში აგვისტოს ომის გმირების შესახებ ისტორიის სწავლებას მიესალმებიან ახალციხის საჯარო სკოლების ისტორიის მასწავლებლებიც.
„ ვფიქრობ ძალიან კარგი იქნება სამშობლოსთვის თავდადებული გმირების ისტორიის შესწავლა“, – ამბობს მეორე საჯარო სკოლის ისტრიის მასწავლებელი ირმა გოგატიშვილი.

საგანს „თავდაცვა და უსაფრთხოება“, რომელიც საქართველოს განათლების, მეცნიერების, კულტურისა და სპორტის სამინისტროსა და თავდაცვის სამინისტროს ერთობლივი პროექტია მოსწავლეები მეათე კლასებში შეისწავლიან.

სახელმძღვანელოზე მუშაობა უკვე დასრულებულია და დასაბეჭდად მზადდება.

[sknews.ge]