ჭაჭარაქში გარდაცვლილი ახალგაზრდების დაკრძალვის ხარჯებს გამგეობა გაიღებს

ახალციხის მუნიციპალიტეტის გამგეობა იმ ორი ახალგაზრდის დაკრძალვის ხარჯს გაიღებს, რომლებიც ახალციხის მუნიციპალიტეტში ცხოვრობდნენ. სარიტუალო ხარჯებისთვის 2.500 ლარი გამოიყოფა, და–ძმისთვის სასახლეების შესაძენად კი 540.

ახალქალაქის გამგეობა გაიღებს ერთ–ერთი გარდაცვლილის, რომელიც ახალქალაქის მუნიციპალიტეტში ცხოვრობდა, სარიტუალო ხარჯს. თუმცა, რა ოდენობის თანხა გამოიყოფა, გამგეობაში ვერ აკონკრეტებენ.

„დაკრძალვის შემდეგ გადავწყვეტთ, აუცილებლად დავეხმარებით გარდაცვლილის ოჯახს“, – ამბობს ახალქალაქის მუნციპალიტეტის გამგებელი ედუარდ აღასარიანი.

შეგახსენებთ, უბედური შემთხვევა 23 ივლისს დაახლოებით 15:30 საათზე მოხდა. მტკვარზე საბანაოდ წასული ექვსი ახალგაზრდიდან სამმა წყლიდან გამოსვლა ვერ შეძლო და დაიხრჩო. გარდაცვლილებიდან ორი და–ძმაა. გოგონას მეუღლე და ორი წლის შვილი დარჩა.

[თინათინ ზაზაძე, ახალციხე]