12.870 ლარი სპორტული ტანსაცმლის შესაძენად–ახალქალაქის გამგეობამ ტენდერი გამოაცხადა

ახალქალაქის მუნიციპალიტეტის გამგეობამ სპორტული ტანსაცმლის შესაძენად ტენდერი 29 ივნისს გამოაცხადა. წინადადებების მიღება 1 ივლისს დაიწყო.

შესყიდვის სავარაუდო ღირებულება 12.870 ლარია. გამარჯვებულმა კომპანიამ 66 ქურთუკი, ამდენივე შარვალი, მაისური, კეპი და ბოტასი უნდა შეიძინოს.

ახალქალაქის მუნიციპალიტეტის გამგეობაში განმარტავენ, რომ აღნიშნული ტანსაცმელი ახალქალაქელი სპორტსმენებისთვის უნდა შეიძინონ.

„2 აგვისტოს მივემგზავრებით ერევანში. გვაქვს ოფიციალური მოწვევა და მონაწილობას მივიღებთ სხვადასხვა სპორტულ შეჯიბრებებში“, – ამბობს ახალქალაქის მუნიციპალიტეტის გამგებელი ედვარდ აღასარიანი.

გამარტივებულ ტენდერში წინადადებების მიღება დღეს, 3 ივლისს დასრულდება.

[თინათინ ზაზაძე, ახალქალაქი]