ჭაჭარაქში დამხრჩვალი სამი პირიდან ორი და–ძმაა

დღეს, 23 ივლისს სოფელ ჭაჭარაქში მდინარე მტკვრისა და ფოცხოვის შესართავთან დამხრჩვალი სამი პირიდან ორი გოგონაა. ერთ–ერთი გოგონა ჭაჭარაქიდან ქალაქ რუსთავშია გათხოვილი და იგი სოფელში სტუმრად იყო ჩასული. დღეს იგი მდინარეზე საბანაოდ ძმასთან ერთად წავიდა და დედმამიშვილები სამაშველო სამსახურის წარმომდგენლებმა გარდაცვლილები რამდენიმე წუთის წინ იპოვეს. გოგონას ერთი შვილი დარჩა.

მეორე გარდაცვლილი გოგონაც ჭაჭარაქში სტუმრად ახალქალაქიდან იყო ჩასული.

რაც შეეხება დანარჩენ სამს, რომლებიც მდინარე მტკვარმა გაიტაცა, სოფელში მცხოვრებლები აცხადებენ, რომ თავს კარგად გრძნობენ: "უბრალოდ შეშინებულები არიან".

ამ წუთებში ადგილზე მივიდნენ სასწრაფო სამედიცინო სამსახურის წარმომადგენლები. ჭაჭარაქში იმყოფება ახალციხის მუნიციპალიტეტის გამგებელი ზაზა მელიქიძეც.

[sknews.ge]