ახალციხის მუნიციპალიტეტის გამგეობა სააღდგომოდ ემზადება

ახალციხის მუნიციპალიტეტში მცხოვრები 27 ლტოლვილი და იძულებით გადაადგილებული პირი, ასევე ორი უკიდურესად გაჭირვებული გამგეობისგან სააღდგომოდ 70 ლარის ღირებულების სასურსათე პაკეტს მიიღებს.

გარდა ამისა, ახალციხის მუნიციპალიტეტში მცოვრებ დიალეზზე მყოფ რვა მოქალაქეს 150 ლარი გადაეცემა. 109 უსინათლოს და 40 პირველი ჯგუფის ინვალიდს ერთჯერადად 75 ლარით დაეხმარებიან.

ახალციხის მუნიციპალიტეტის გამგეობაში განმარტავენ, რომ დახმარებას 190–მდე ბენეფიციარი მიიღებს.

„ზოგიერთი ბენეფიციარისთვის იქნება ფულადი დახმარება, ზოგიერთი მათგანი მიიღებს სურსათის პაკეს, რომელშიც შევა ფქვილი, შაქარი, ზეთი და სააღდგომო ტკბილეული“, – ამბობს ახალციხის მუნიციპალიტეტის გამგებელი ზაზა მელიქიძე.

[თამარ თოთაძე, ახალციხე]