ავარია საბარგო სადგურზე – დაშავებულია 4 ადამიანი [Photo]

შემთხვევა დაახლოებით ერთი საათის წინ, 4–ის ნახევარზე მოხდა. ახალციხის გასასვლელში ერთმანეთს ერთი და იგივე მიმართულებით მოძრავი „ტოიოტასა“ და „ჰონდას“ მარკის ავტომობილები შეეჯახნენ. შეჯახების შედეგად „ტოიოტას“ მარკის ავტომობილი გზის სავალი ნაწილიდან გადავარდა.

„ტრაილერი მიდიოდა წინ, დაამუხრუჭა და შევეჯახე. მანქანიანად გადავარდი. სხვა არაფერი ვიცი“,- ამბობს „ტოიოტას“ მარკის ავტომობილის მძღოლი ვ.გ.

ავტოსაგზაო შემთხვევის შედეგად 4 ადამიანი დაშავდა. 2 მათგანი სამედიცინო დაწესებულებებში სასრაფო დახმარების სამსახურმა გადაიყვანა: 1 კლინიკა "იმედში", 1 კი "უნიმედი სამცხეში". 2 დაშავებული კი ასევე "უნიმედი სამცხეში" ავტომობილებით მიიყვანეს.

„კლინიკა იმედში მიყვანილი 22 წლის მამაკაცია. აქვს მოტეხილობები და ტრამვული შოკი“,- განუმარტა "სამხრეთის კარიბჭეს" სასწრაფო- სამედიცინო დახმარების რეგიონული სამსახურის მენეჯერმა თამაზ კაჭკაჭიშვილმა

როგორც სამედიცინო დაწესებულებებში აცხადებენ, დაშავებულების მდგომარეობა საშუალო სიმძიმისაა.

ამ დრომდე საბარგო საგურის ტერიტორიაზე მოძრაობა შეზღუდულია. ადგილზე მუშაობენ ექსპერტ-კრიმინალისტები. გამოძახებულია სამაშველო ბრიგადაც.

[თინათინ ზაზაძე, ახალციხე]