საბარგო სადგურზე მომხდარი ავარიის შედეგად დაშავებულს ოპერაცია უკეთდება

მეხუთე დაშავებული კლინიკა „იმედში“ მოგვიანებით შეიყვანეს.

„წვივის ძვლის მოტეხილობა აქვს და ოპერაცია უკეთდება, ტკივილები აქვს ყურის მიდამოშიც“,- განმატავს კლინიკა „იმედის“ ქირურგი როლანდი მაისურაძე.

კლინიკა „იმედში“ ამ ავარიიდან 2 დაშვებულია მიყვანილი. მეორის მდგომარეობა დამაკმაყოფილებელია.

ასევე დამაკმაყოფილებელია იმ სამი დაშავებულის მდგომარეობა, რომლებიც „უნიმედი სამცხეში“ მიიყვანეს. როგორც სამედიცინო დაწესებულებაში ამბობენ, სამივე მათგანს პირველადი დახმარება გაუწიეს და გაწერეს.

შეგახსენებთ, რომ დღეს, 19 ივლისს საბარგო სადგურის ტერიტორიაზე ავტოსაგზაო შემთხვევა მოხდა. ერთმანეთს ერთი და იგივე მიმართულებით მოძრავი „ტოიოტასა“ და „ჰონდას“ მარკის ავტომობილები შეეჯახნენ. შეჯახების შედეგად „ტოიოტას“ მარკის ავტომობილი გზის სავალი ნაწილიდან გადავარდა. შემთხვევის შედეგად ხუთი მამაკაცი დაშავდა.

[თინათინ ზაზაძე, ახალციხე]