ავარია სოფელ უდესთან – ერთმანეთს სამგზავრო 'მარშუტკა' და ჯიპი შეეჯახნენ

როგორ სასწრაფო–სამედიცინო დახმარების სამსახურის საზოგადოებასთან ურთიერთობის განყოფილებაში განმარტავენ, შემთხვევის შედეგად ოთხი ადამიანი დაზიანდა, ადგილზე სასწრაფო დახმარების ორი ეკიპაჟი იმყოფებოდა. ორ დაზარალებულს დახმარება ადგილზე გაეწია, სამი კი ახალციხის სამედიცინო დაწესებულებებში გადაიყვანეს, ორი კლინიკა "იმედში", ერთი – "უნიმედი სამცხეში".

კლინიკა "იმედში" ამბობენ, რომ მათთან ორი დაშავებული მიიყვანეს, ქალი და მამაკაცი, ორივე მათგანი მიკროავტობუსის მგზავრები იყვნენ. ქალს თავზე ჰქონდა მსუბუქი დაზიანება, მამაკაცს კი ლავიწის ძვლის მოტეხილობა. ორივე მათგანს ჩაუტარდა მკურნალობა და გაწერეს.

რაც შეეხება მესამე დაშავებულს, ჯიპის მარკის ავტომობილიდან, ის "უნიმედი სამცხეს" სამედიცინო დაწესებულებაში მიიყვანეს.

"ვიწროპროფილური დაზიანება აქვს, ჩვენ ვერ ვმკურნალობთ და კატასტროფის სამსახურს ველოდებით, რომ თბილისში გადაიყვანოთ", – განგვიმარტეს "უნიმედი სამცხეში".

შშს–ს ინფორმაციით, შემთხვევაზე მიმდინარეობს გამოძიება სისხლის სამართლის კოდექსის 276–ე მუხლის პირველი პუნქტით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.

[თაკო ფეიქრიშვილი, ადიგენი]