ახალციხეში ავტოსაგზაო შემთხვევისას 4 ადამიანი დაშავდა

ავტოსაგზაო შემთხევა დაახლოებით 11:00 საათზე მოხდა. ერთმანეთს საპირისპიროდ მოძრავი „BMW“-ს მარკის ჯიპი და „როვერის“ მარკის ავტომობილები აღმართზე, მოსახვევში შეეჯახნენ. შედეგად ოთხი ადამიანი დაშავდა, სამი ქალბატონი და ერთი მამაკაცი.

ოთხივე დაშავებული სასწრაფო სამედიცინო დახმარების ბრიგადამ „უნიმედი სამცხეს“ სამედიცინო დაწესებულებაში გადაიყვანა.

„საშუალო სიმძიმის ტრამვებით გადაყვანილები არიან კლინიკაში. ბრიგადა გამოძახებიდან შემთხვევის ადგილზე 6 წუთში მივიდა“, – ამბობს სასწრაფო სამედიცინო დახმარების ცენტრის საზოგადოებასთან ურთიერთობის მთავარი სპეციალისტი სოფო ჭუმბურიძე.

ავტოსაგზაო შემთხვევის გამო საპარტულო პოლიციას ზარზმელის ქუჩა გადაკეტილი აქვს . შემთხვევის ადგილზე ექსპერტ–კრიმინალისტები მუშაობენ.

ეს ამ გზაზე პირველი ავტოსაგზაო შემთხვევა არ არის. ზარზმელის აღმართს ორი სახიფათო მოსახვევი აქვს, სადაც შემხვედრი ავტომობილები არ ჩანს, გზაზე არც სარკეები დგას.



[თინათინ ზაზაძე, ნინო ნარიმანიშვილი, ახალციხე]