ადიგენის საკრებულოს ყოფილი თავმდომარის საქმეზე მოპასუხე მხარის მოწმეები დაიკითხებიან

ახალციხის რაიონულ სასამართლოში ადიგენის მუნიციპალიტეტის საკრებულოს ყოფილი თავმჯდომარის ლევან ლობჯანიძის საქმის განხილვა გრძელდება. ლობჯანიძე ადგილობრივ თვითმმართველობას უკანონოდ გათავისუფლებაში ადანაშაულებს და მიაჩნია, რომ მისი თანამდებობიდან გადაყენება პროცედურული დარღვევებით მოხდა.

წინა სასამართლო სხდომაზე მოსარჩელე მხარის მოწმეების დაკითხვა დასრულდა. დღეს კი მოპასუხე მხარის მოწმეები უნდა დაიკითხოს. მოპასუხე მხარეს შვიდი მოწმე ჰყავს.

შეგახსენებთ, რომ მიმდინარე წლის 4 მარტს, ადიგენის მუნიციპალიტეტის საკრებულოს სხდომაზე, 17 ხმით 10–ის წინააღმდეგ, დეპუტატებმა ფარული კენჭისყრით საკრებულოს თავმჯდომარე ლევან ლობჯანიძე თანამდებობიდან გადააყენეს. იმავე დღეს დეპუტატებმა საკრებულოს ახალ თავმჯდომარედ, საკრებულოს საფინანსო – საბიუჯეტო, ეკონომიკისა და ქონების მართვის კომისიის თავმჯდომარე, იმედა მღებრიშვილი აირჩიეს.

[თამარ თოთაძე, ახალციხე]