რა იცით აუტიზმის შესახებ [Video]

მთავარი → დღის კითხვა, მოქალაქე ჟურნალისტები 03.04.2015

რა იცით აუტიზმის შესახებ, "სამხრეთის კარიბჭემ" მოქალაქეები გამოკითხა.

გამოკითხულთა უმეტესობამ გვითხრა, რომ აუტიზმის შესახებ არაფერი სმენიათ. მხოლოდ ერთმა გოგონამ იცოდა, რომ 2 აპრილს აუტიზმის საერთაშორისო დღე აღინიშნებოდა.

"ჩვენი მსგავსი პრობლემის მქონე მშობლების დახმარება ის იქნებოდა, რომ საზოგადოებამ პირველ რიგში მიიღოს შიშის გარეშე ჩვენი შვილები. დაგვეხმაროს გამოვიყვანოთ არა თუ შიშით, არამედ სიამაყით, იმის შეგრძნებით, რომ მარტონი არ ვართ ჩვენს შვილებთან ერთად", – ეს არის ამონარიდი ერთ–ერთი გოგონას წერილიდან, რომლის შვილსაც აუტისტური სპექტრის აშლილობა აქვს.

2 აპრილი აუტიზმის შესახებ ცნობადობის ამაღლების დღედ 2007 წელს, გაეროს გენერალური ასამბლეის მიერ გამოცხადდა. მას შემდეგ, მსოფლიოს ბევრ ქვეყანაში ამ დღის აღსანიშნავად იმართება სხვადასხვა ღონისძიებები. საქართველო ამ დღეს 2011 წლიდან აღნიშნავს. საქართველოს სახალხო დამცველმა ამ დღესტან დაკავშირებით განცხადება გაავრცელა, რომელშიც ნათქვამია, რომ საქართველო აუტისტური სპექტრის აშლილობის მქონე პირთა უფლებების დაცვის კუთხით არაერთი გამოწვევის წინაშე დგას.

[ვარლამ წიკლაური, ახალციხე]