პოლონური ფონდი რეგიონულ მედიასაშუალებებს დააჯილდოებს

ქუთაისი, 2014წ,აგვისტო. პროექტის დასკვნითი ტრენინგი


კატეგორიებში: საუკეთესო ვებგვერდი; საუკეთესო ვიდეო მასალა, საუკეთესო ფოტომასალა და საუკეთესო ტექსტური მასალა, გამარჯვებულებს 10 მედიასაშუალებიდან შეარჩევენ.

კონკურსში 40 ჟურნალისტი მონაწილებს. საკონკურსოდ 100-ზე მეტი მასაალა შესული. გამარჯვებულები ლეპტოპებით, პლანშეტებით, ფოტო და ვიდეოაპარატებითა და ერთწლიანი ინტერნეტპაკეტით დაჯილდოვდებიან. გარდა ამისა, ოთხი გამომცემელი ვიზიტით პოლონეთში გაემგზავრება.

პოლონური ფონდი "ასოციაცია დემოკრატიული აღმოსავლეთი" საქართველოში პარტნიორ ორგანიზაცია "კავკასიიის ჟურნალიტთა საერთაშორისო ცენტრთან" თანამშრომლობით, 2007 წლიდან საქართველოს რეგიონული გაზეთებისთვის ახორციელებს პროექტს, რომლის მიზანიც რეგიონული მედიის განვითარებაა.

ფონდის პროგრამის ფარგლებში, 8 წლის განმავლობაში, პოლონელი და ქართველი მედია ექსპერტები სასწავლო ტრენინგებს ატარებდნენ რეგიონული გაზეთების გამომცემლებისა და ჟურნალისტებისათვის საქართველოსა და პოლონეთში. ასევე, პროექტში მონაწილე რედაქტორები პოლონეთის რეგიონული გაზეთების რედაქციებს სტუმრობდნენ, ეცნობოდნენ მათ მუშაობას და იზიარებდნენ გამოცდილებას.

მიმდინარე წლის ივლისსა და აგვისტოში პოლონურმა ფონდმა ასოციაცია "დემოკრატიული აღმოსავლეთი", "კავკასიის ჟურნალისტთა საერთაშორისო ცენტრთან" თანამშრობლობით გამართა ტრენინგები ქუთაისში, სახელწოდებით "საინფორმაციო მედიიდან ინტელექტუალურ მედიამდე-საქართველოს ადგილობრივი გაზეთები ინტერნეტში" რომელიც დაფინანსებულია შემდეგი პროგრამების ფარგლებში: პოლონეთის საგარეო საქმეთა სამინისტროს 2014 წლის თამშრომლობის განვითარების პროგრამა "დემოკრატიის მხარდაჭერა" და თავისუფლების ფონდის პოლონურ-ამერიკული პროგრამა "ცვლილებები რეგიონში-RITA", რომელსაც ახორციელებს ფონდი განათლება დემოკრატიისთვის". პროექტის ფარგლებში რამდენიმე რეგიონული მედიის რედაქციას გაუკეთდა ვებგვერდი და გამოცემლებმა და ჟურნალისტებმა შეისწავლეს ახალი მედიის ტექნილოგიები, რის შემდეგაც პროექტში მონაწილე რედაქციებისთვის გამოცხადდა კონკურსი.

კონკურსის შედეგები ხვალ, 14.00 საათზე, თბილისში, სასტუმრო "კოპეში" გახდება ცნობილი.

[ნინო ნარიმანიშვილი, ახალციხე]