ახალციხეში „მეწარმეობის რეგიონული სკოლის’’ შესარჩევი კრეათონები გაიმართება

ახალციხეში ღონისძიება სამცხე–ჯავახეთის სახელმწიფო უნივერსიტეტში გაიმართება.

ახალი პროექტის „მეწარმეობის რეგიონული სკოლის’’ მიხედვით, შეირჩევა 40 ახალგაზრდა, რომლებიც გაივლიან ტრენინგებს, კონსულტაციებს, მენტორინგს და იმუშავებენ იდეებზე. საუკეთესო 10 პროექტი მოგვიანებით წარმოდგენილი იქნება თბილისში დემო დღეზე.

სპორტისა და ახალგაზრდობის საქმეთა სამინისტროში ამბობენ, რომ პროექტის მიზანია, რეგიონში მცხოვრებმა ახალგაზრებმა აითვისონ სამეწარმეო უნარ-ჩვევები, რათა შეძლონ საკუთარი შესაძლებლობების გამოყენება და იდეების რეალიზიება, რაც მათ დასაქმებაში დაეხმარება.

„მეწარმეობის რეგიონული სკოლა“ არის სპორტისა და ახალგაზრდობის საქმეთა სამინისტროს მიერ შექმნილი საგანმანათლებლო პროგრამა, რომელსაც ახორციელებს ახალგაზრდული ინოვაციების ცენტრი. პროგრამის პარტნიორია USAID ზრდა.

„მეწარმეობის რეგიონული სკოლა“ მოიცავს სამ ეტაპს:

I ეტაპი: კრეათონები, სადაც მონაწილეები გაიცნობენ ერთმანეთს, შექმნიან ჯგუფებს და იმუშავებენ იდეებზე. ღონისძიების შედეგად მოხდება საუკეთესო გუნდების შერჩევა პროგრამის შემდეგი ეტაპისთვის.

II ეტაპი: ტრენინგები და კონსულტაციები
შერჩეული გუნდები გაივლიან მეწარმეოობის უნარების განვითარების პროგრამას, რომელიც მოიცავს:
ტრენინგებს თემებზე: როგორ დავიწყო ბიზნესი; იდეიდან პროტოტიპამდე, ონლაინ კონსულტაციები, ასევე ბიზნეს მოდელების განვითარება; ფინანსების მოძიება.

III ეტაპი: დემო დღე თბილისში
პროგრამის დასასრულს საუკეთესო გუნდები ჩავლენ თბილისში, სადაც შესაძლებლობა ექნებათ ხალხმრავალ ადგილზე (დიდ სავაჭრო ცენტრში) წარადგინონ საკუთარი პროდუქცია.

ახალ საგანმანათლებლო პროექტი ახალციხესთან ერთად პანკისში, გორსა და ზუგდიდში გაიმართება.

[sknews.ge]