პოლონეთის ფონდი კონკურსის გამარჯვებულ რეგიონული მედიასაშაუალებებს გამოავლენს

ფოტო გასული, 2014 წლის დაჯილდოების ცერემონიალიდან

რეგიონული მედიის წარმომადგენლებისთვის კონკურსი ოთხ კატეგორიაში იმართება: საუკეთესო ვებვერდი; საუკეთესო ვიდეომასალა ვებგვერდზე; საუკეთესო ფოტოსურათი ვებგვერდზე და საუკეთესო News-ი ვებგვერდზე.

ოთხივე კატეგორიაში პირველი, მეორე და მესამე ადგილის მფლობელები გამოვლინდებიან. გამარჯვებულებს პრიზები ადგილებისა და თემატიკის მიხედვით გადაეცემათ. პრიზებს შორისაა: ლეპტოპები პროგრამებით, პლანშეტები, ფოტოაპარატები და ინტერნეტის ერთი წლის საფასური.

კონკურსი ორგანიზებულია ასოციაცია დემოკრატიული აღმოსავლეთისა და კავკასიის ჟურნალისტთა საერთაშორისო ცენტრის მიერ შემდეგი პროექტის ფარგლებში: „საქართველოს ადგილობრივი მედია გაზეთები მობილურ სინამდვილეში".

პროექტი დაფინანსებულია შემდეგი პროგრამების ფარგლებში: პოლონეთის რესპუბლიკის საგარეოსაქმეთა სამინისტროს 2015 წლის თანამშრომლობის განვითარების პროგრამა „დემოკრატიის მხარდაჭერა“ და თავისუფლების ფონდის პოლონურ-ამერიკული პროგრამა „ცვლილებები რეგიონში“ - RITA, რომელსაც ახორციელებს ფონდი განათლება დემოკრატიისთვის.

ჟიურის შემადგენლობაში არიან: მარჩინ ბანკ - პროექტის მთავარი ტრენერი; პიოტრ კრიშიაკი - პოლონური ადგილობრივი გაზეთების გამომცემელი; იაროსლავ ბაბიცკი - პოლონური ადგილობრივი გაზეთების გამომცემელი, ქართული ადგილობრივი გაზეთებისთვის განხორციელებული პროექტების ექსპერტი; კონსტანტინე სტალინსკი - დიზაინერი, ინფორმატიკოსი და პროგრამისტი, „საქართველოს ადგილობრივი გაზეთები მობილურ რეალობაში“ პროექტის ექსპერტი და ალიცია მოლენდა - პოლონური ადგილობრივი გაზეთების „პშელომ“ გამომცემელი, ადგილობრივი გაზეთების ასოციაციის თავჯდომარე, ქართული ადგილობრივი გაზეთებისთვის გახორციელებული პროექტების ექსპერტი.

დაჯილდოების საზეიმო ცერემონია თბილისში, 15:00 საათზე გაიმართება.

პოლონურმა ფონდმა მსგავსი კონკურსი გასულ წელსაც გამართა. 2014 წელს „სამხრეთის კარიბჭემ“ საუკეთესო სტატიისთვის პირველი ადგილი აიღო და საჩუქრად ლეპტოპი მიიღო. ვებგვერდის განსაკუთრებული ინტერაქტიურობისთვის კი გამოცემის მთავარი რედაქტორი პოლონეთში, ერთკვირიან სტაჟირებაზე იმყოფებოდა.

[ნინო ნარიმანიშვილი, ახალციხე]