შშმ პირებთან მომუშავე სპეციალისტები პოლონეთში გადამზადებას გაივლიან

დღეს, 12 ივლისს, ახალციხის შშმ პირთა სარებილიტაციო ცენტ „ტალიტა კუმში“ სასწავლო კურსის შემაჯამებელი შეხვედრა გაიმართა. თორმეტდღიანი სწავლება, რომლის განმავლობაშიც შშმ პირთა მშობლები, მათთან მომუშავე სპეციალისტები და ადგილობრივი თვითმმართველობების წარმომადგენლები გადამზადდნენ, დასრულდა.

მონაწილეებს ტრენინგებს პოლონელი სპეციალისტები უტარებდნენ.

როგორც ფსიქოთერაპევტი, სოციოთერაპევტი და საზოგადოებრივი უნარჩვევების ტრენერი კამილა მაჩიევსკა ამბობს, ტრენინგებიდან რვა მონაწილე შეირჩა, რომლებიც პოლონეთში, კერძოდ კი ქალაქ ოპოლეში, კვალიფიკაციისა და კომპეტენციის ასამაღლებელ კურსებს გაივლიან: „ამ არჩეულ კატეგორიაში შედიან ფსიქოლოგები, მასწავლებლები, სპეც პედაგოგები ანუ შშმ პირებთან მომუშავე სპეციალისტები. ისინი ასევე თავინთ გამოცდილებას პოლონელ სპეციალისტებს გაუზიარებენ“.

„ჩემთვის ეს ტრენინგები იყო ახალი გამოცდილების მიღება. პოლონური გამოცდილების გაზიარება, ასევე ბევრ ახალ საკითხზე დაფიქრება და იმის გაანალიზება თუ რა შეიძება გავაკეთოთ კარგი ჩვენს ქვეყანაში მათი გამოცდილების მიხედვით“, – ამბობს ტრენინგების მონაწილე ბელა აფრიამაშვილი.

სასწავლო კურსი ახალციხეში პროექტის „ბედნიერები ერთად“ ფარგლებში ჩატარდა. მას სასულიერო პირთა ორდენის „კამილიელების“ ფილიალი საქართველოში, პოლინეთის ქ. ოპოლეში მოღვაწე ფონდი „საოჯახო დახმარების სახლი, ცერებრული დამბლის მქონე ბავშვთა რეაბილიტაცია“ და პოლონეთის საგარეო საქმეთა სამინისტრო ერთობლივად ახორციელებდა.

პროექტის შემდეგი ნაწილი ოქტომბერში დაიწყება.

[მარიამ ბარძიმაძე, ახალციხე]