ახალციხის ცენტრში კორპუსების ფასადებს ღებავენ

სამი კორპუსის ფასადის შესაღებად, 2014 წლის ადგილობრივი ბიუჯეტიდან, 112.670 ლარი გამოიყო. 79 ათასი ლარით კი ტენდერში კომპანია შპს „ქართუ მშენმა“ გაიმარჯვა.

როგორც „ქართუ მშენის“ საქმის მწარმოებელი, რამაზ კუხალაშვილი ამბობს შენობები დაზიანებულია, ამიტომ ერთი კორპუსის გალესვას დიდი დრო სჭირდება.

„ერთი კორპუსი უკვე გალესილია და რამდენიმე დღეში შეღებვას დავიწყებთ, ხვალ მეორე კორპუსზე გადავალთ, მესამე, N41 კორპუსი კი გასალესად უკვე მზადდება“, – ამბობს რამაზ კუხალაშვილი.

ხელშეკრულების თანახმად კომპანიამ სამუშაოები თვის ბოლოს უნდა დაასრულოს.


[მანანა სარაშვილი, ახალციხე]