კომპანია, რომელმაც კორპუსების ფასადები შეღება 8 000 ლარით დააჯარიმეს

„ქართუ მშენმა“ ქალაქის ცენტრში მდებარე N45, N43 და N41 კორპუსების ფასადები შეღება.

„სამი დღე პატრულმა გააცდენინა, შემდეგ ცუდი ამინდები იყო. ამის გამო ჩვენ ვადა 10 დღით გადავუწიეთ, მაგრამ დროში მაინც ვერ ჩაეტივნენ “, – ამბობს ქალაქ ახალციხის მერი გიორგი კოპაძე.

სამშენებლო კომპანიაში კომენტარის გაკეთებისგან თავს იკავებენ, თუმცა ადასტურებენ, რომ დაჯარიმების მიზეზი ვადის გადაცილება გახდა.

„არ გვსურს ამ თემაზე საუბარი. ასეა, დროის გადაცილების გამო დაგვაჯარიმეს“, – ამბობს „ქართუ მშენის“ წარმომადგენელი დავით კიკნაძე.

შეგახსენებთ, რომ კოსტავას ქუჩაზე N45, N43 და N41 კორპუსების ფასადების შესაღებად, 2014 წლის ადგილობრივი ბიუჯეტიდან, 112.670 ლარი გამოიყო. 79 ათასი ლარით კი ტენდერში კომპანია შპს „ქართუ მშენმა“ გაიმარჯვა.

[თინათინ ზაზაძე, ახალციხე]