ახალციხეში, თამარაშვილის ქუჩაზე, 10 კორპუსის ფასადი შეიღებება

ქალაქის შესასვლელში, 10 კორპუსის შესაღებად 451. 455 ლარი დაიხარჯება. ტენდერში მონაწილეობის მისაღებად მსურველებს ვადა 18 ივლისამდე აქვთ.

გარე ფასადის რეაბილიტაცია №2, №4, №6, №8, №25, №29, №31, №33, №37 და №41 მრავალბინიან კორპუსებს ჩაუტარდებათ. გარემონტდება კორპუსის ფასადი, აივნებზე დაიგება მეტლახის ფილები, შეიღებება მოაჯირები და კარ-ფანჯრები.

მერიის ურბანული მოწყობისა და საქალაქო მეურნეობის სამსახურის უფროსის გელვასი გელაძის განმარტებით, კორპუსების მხოლოდ სამი გვერდი მოწესრიგდება: „ეზოს მხარეს რეაბილიტაციას არ ვგეგმავთ. გვერდები და წინა მხარე შეიღებება“.

ტენდერში გამარჯვებულმა კომპანიამ სამუშაოების ხელშეკრულების გაფორმებიდან ოთხი თვის განმვალობაში უნდა დაასრულოს. საგარანტიო ვადა 5 წელია.

[თინათინ ზაზაძე, ახალციხე]