ახალციხეში ნარკომანიასთან ბრძოლის დღე აღნიშნეს

შეხვედრაზე, რომელიც „ახალციხის დემოკრატიული ჩართულობის ცენტრის“ ორგანიზებით მოეწყო, არასამთავრობო ორგანიზაციის „მესხ ქალთა გაერთიანების“ წარმომადგენლებმა ნარკოტიკის მავნებლობის შესახებ ისაუბრეს.

„რადგან ნარკომანიასთან საბრძოლველად მოსახლეობის ინფრომირებულობა ერთ–ერთი მნიშვნელოვანი ნაბიჯია, ჩვენ ვცდილობთ ამ ღონისძიებით ჩვენი წვლილი შევიტანოთ ნარკომანიის წინააღმდეგ ბრძოლაში“, – ამბობს „მესხ ქალთა გაერთიანების“ წარმომადგენელი თათია კოტაძე.

შეხვედრაზე მიწვეული იყვნენ სამცხე–ჯავახეთის იურიდიული დახმარების ბიუროს უფროსი დავით ზარიძე და ასოციაცია „ტოლერანტის“ იურისტი დავით თელიაშვილი.

„ავუხსენით, რა გავლენას ახდენს ნარკოტიკი ადამიანზე და რა სასჯელია დაწესებული ნარკოტიკის მომხმარებლისთვის. ვფიქრობ რომ ნაყოფიერი შეხვედრა გამოგვივიდა. შეხვედრაზე ნარკოტიკის მავნებლობის შესახებ გვქონდა კლიპის პრეზენტაციაც, რომელიც ევროკავშირის მიერ დაფინანსებული პროექტის ფარგლებში, „ტოლერანტმა“ გადაიღო“, – ამბობს „ასოციაცია“ ტოლერანტის იურისტი დავით თელიაშვილი.



[თინათინ ზაზაძე, ახალციხე]