”ტოლერანტის” ანგარიში საზოგადოებას

პროექტს ”ტოლერანტი” ევროკავშირის დაფინანსებით, მიმდინარე წლის იანვრიდან ახორციელებს. მისი მიზანი პრობაციონერი ახალგაზრდების საზოგადოებაში რესოციალიზაცია და დახმარებაა.

სტუმრებს პროექტის შესახებ პროექტის დირექტორი, ასოციაცია ”ტოლერანტის” თავმჯდომარე ცირა მესხიშვილი, პროექტის იურისტი დავით თელიაშვილი და პროექტის ასისტენტი მაკა ივანიძე ესაუბრნენ.

ცირა მესხიშვილის თქმით, სამცხე-ჯავახეთში 460 პრობაციონერია. ამათგან, 60-მა, პროექტის ფარგლებში, სხვადასხვა დაწესებულებებში გადამზადების კურსები გაიარა.

შეხვედრის დასასრულს მეხუთე საჯარო სკოლის აქტიურ მოსწავლეებს, რომლებიც ორგანიზაციას მოხალისეების სტატუსით ეხმარებოდნენ, ”ტოლერანტმა” საჩუქრად ფოტოაპარატი გადასცა.

პროექტის პარტნიორია სამოქალაქო განათლების განვითარების მულტიეთნიკური რესურსცენტრი და ასოცირებული პარტნიორი საქართველოს სასჯელაღსრულების, პრობაციისა და იურიდიული დახმარების ეროვნული სააგენტო.

[დავით ანდღულაძე, ახალციხე]