ახალციხეში ნარკომანიასთან ბრძოლის საერთაშორისო დღე აღნიშნეს

ახალციხის რაიონული პროკურატურის ინიციატივითა და არასამთავრობო ორგანიზაცია ”დემოკრატ მესხთა კავშირის” ხელშეწყობით
რაიონული პროკურატურის წარმომადგენლები ახალგაზრდებს შეხვდნენ და ნარკომანიის სამართლებრივ ასპექტებზე ისაუბრეს.

შეხვედრა დისკუსიის ფორმატით წარიმართა. ახალგაზრდების კითხვები ძირითადად ნარკომანიასთან ბრძოლას ეხებოდა.

”სახელმწიფოს მიერ განხორციელებულმა სისხლის სამართლის თანმიმდევრულმა პოლიტიკამ და წარმატებულმა მუშაობამ საზოგადოებას უსაფრთხო გარემო შეუქმნა. ეს გულისხმობს მოზარდი თაობის მაქსიმალურ დაცვას იმ მავნე მოვლენისაგან, რასაც ნარკომანია ჰქვია”, - ამბობს ახალციხის რაიონული პროკურორი გიორგი ვანიძე.

პროექტის ”საზოგადოებრივი პროკურატურის” ფარგლებში, რაიონული პროკურატურის წარმომადგენლები მოზარდ თაობასთან შეხვედრებს სისტემატურად მართავენ.

გიორგი ვანიძის თქმით, ახალგაზრდების ცნობიერება ამ კუთხით საკმაოდ მაღალია.

[თამარ თოთაძე, ახალციხე]