არა ძალადობას! არა ფემიციდს! – ახალციხეში ქალთა მიმართ ძალადობა გააპროტესტეს [Photo]

აქციის მონაწილეებმა, ტრანსფარანტებით ხელში, მდუმარე აქცია ახალციხის ცენტრალურ პარკში 15:00 საათზე დაიწყეს.

„აქციის მიზანია საზოგადოების ცნობიერების ამაღლება ძალადობის შესახებ, მათი ყურადღების მიპყრობა ქალთა მიმართ გახშირებული ძალადობასა და ქვეყანაშიფემიციდის გაზრდილ რადენობაზე“, – ამბობს ქალთა კლუბის წარმომადგენელი ეკატერინე მღებრიშვილი.

მსგავსი აქცია დღეს საქართველოს 10 ქალაქში გაიმართა. დღესვე ქალთა ძალადობის წინააღმდეგ იმსჯელეს ახალციხის ცენტრალურ ბიბლიოთეკაში. შეხვედრა არასამთავრობო ორგანიზაცია „სამცხე–ჯავახეთის დემოკრატ ქალთა საზოგადოებამ “ მოაწყო.

„ჩვენი ორგანიზაცია მუშაობს ქალთა ძალადობის წინააღმდეგ. დღეს ტრენინგს ვუტარებთ ახალგაზრდებს. რათა მეტი იცოდნენ ძალადობის შესახებ. ასევე გავაცანით რა პრევენციები ტარდება მსოფლიოს მასშტაბით ძალადობის წინააღმდეგ. საინტერესო თემა გამოგვივიდა“, – განმარტა არასამთავრობო ორგანიზაციის წარმომადგენელმა აღუნიკ სისაკიანმა.







[თინათინ ზაზაძე, ახალციხე]