ეროვნული გამოცდების პირველი დღე დასრულდა

ქართული ენისა და ლიტერატურის გამოცდის მეორე სესია 14:00 საათზე დაიწყო.

ახალციხის საგამოცდო ცენტრის ადმინისტრატორის გელა ინასარიძის თქმით, მეორე სესიისთვის რეგისტრაცია 220 აბიტურიენტმა გაიარა, აქედან გამოცდაზე 2 არ გამოცხადდა.

მისივე თქმით, გამოცდები ექცესების გარეშე მიმდინარეობს.

აბიტურიენტები ხვალ, 27 ივნისს გამოცდას ორ სესსიად, ისევ ქართულ ენასა და ლიტერატურაში ჩააბარებენ.

შეგახენებთ, რომ ერთიანი ეროვნული გამოცდები დღეს, 26 ივნისს ქართული ენისა და ლიტერატურის გამოცდით დაიწყო. პირველ სესიაზე დარეგისტრირებული 221 აბიტურიენტიდან გამოცდაზე 3 არ გამოცხადდა.

ერთიანი ეროვნული გამოცდებისთვის წელს 36 000–მდე აბიტურიენტი დარეგისტრირდა.

[მანანა სარაშვილი, ახალციხე]