2014 წლის ერთიანი ეროვნული გამოცდები დასრულდა

ახალციხის საგამოცდო ცენტრის ხელმძღვანელის გელა ინასარიძის განმარტებით, გამოცდები მშვიდ ვითარებაში მიმდინარეობდა. იყო ორი დაგვიანების შემთხვევა, ერთი აბიტურეინტი კი გამოცდიდან დამხმარე მასალის შეტანის გამო გამოუშვეს.

უკვე ჩაბარებულ გამოცდებს აბიტურიენტები საშუალო სირთულის გამოცდებად აფასებენ. აბიტურიენტთა ნაწილი ირწმუნება, რომ გამოცდის ჩაბარება არ გასჭირვებიათ.

2014 წლის ერთიანი ეროვნული გამოცდები, მიმდინარე წლის 26 ივნისს, ქართული ენისა და ლიტერატურის გამოცდით დაიწყო. გამოცდა ორ სესიად ჩატარდა, 241 აბიტურიენტიდან გამოცდაზე 5 არ გამოცხადდა.

27 ივნისს აბიტურიენტებმა ისევ ორ სესიად და ისევ ქართული ენა და ლიტერატურა ჩააბარეს. ამ დღეს 436 აბიტურიენტიდან გამოცდაზე 8 არ გამოცხადდა.

30 ივნისს გამოცდა ზოგად უნარებში ჩატარდა. პირველ სესიაზე 234 აბიტურიენტიდან 17 არ გამოცხადდა, მეორე სესიაზე კი 266 – დან 8.

ზოგადი უნარების გამოცდა ჩატარდა 1 ივლისსაც. გამოცდაზე 564 აბიტურიენტიდან 6 არ გამოცხადდა.

2 და 3 ივლისს აბიტურიენტებმა გამოცდა ინგლისურ ენაში ჩააბარეს. 2 ივლისს მხოლოდ მეორე სესიაში (ამ დღეს პირველ სესიაში გამოცდას პედაგოგები აბარებდნენ), 3 ივლისს კი ორივე სესიაში. 2 ივლისს 222 დარეგისტრირებული აბიტურიენტიდან, გამოცდაზე 3 არ გამოცხადდა. 3 ივლისს პირველ სესიაზე 227 აბიტურიენტიდან 6 არ გამოცხადდა, მეორე სესიაზე კი 229–დან 1.

4 ივლისს აბიტურიენტებისთვის გამოცდა მხოლოდ მეორე სესიაში ჩატარდა, რუსულ, გერმანულ და ფრანგულ ენებში. ამ დღეს 199–დან 5 აბიტურიენტი არ გამოცხადდა.

8 ივლისს მისაღები გამოცდები ლიტერატურის გამოცდით გაგრძელდა. ამ დღეს 166 აბიტურიენტიდან გამოცდაზე ყველა გამოცხადდა.

9 ივლისს გამოცდა გეოგრაფიაში ჩატარდა. 461 დარეგისტრირებული აბიტურიენტიდან გამოცდაზე 5 არ გამოცხადდა.

10 ივლისს აბიტურიენტებმა ისტორიის გამოცდა ჩააბარეს. გამოცდა ორ სესიად ჩატარდა და 280 დარეგისტრირებული აბიტურიენტიდან 8 არ გამოცხადდა.

11 ივლისს გამოცდა მათემატიკაში ჩატარდა. პირველ სესიაზე 90 აბიტურიენტიდან გამოცდაზე 3 არ მივიდა. მეორე სესიაზე კი ამდენივე დარეგისტრირებულიდან 1.

14 ივლისს აბიტურიენტებმა ქიმიის გამოცდა ჩააბარეს. 33 აბიტურიენტიდან ამ დღეს გამოცდაზე ყველა გამოცხადდა.

15 ივლისს, ბილოგიის გამოცდაზე, 66 აბიტურიენტიდან მხოლოდ 1 არ გამოცხადდა.

16 ივლისს, აბიტურიენეტები ფიზიკასა და სახვითი და გამოყენებითი ხელოვნებაში აბარებდნენ გამოცდას. ამ დღეს 16 აბიტურიენტიდან გამოცდაზე მხოლოდ ერთი არ გამოცხადდა.

[თინათინ ზაზაძე, ახალციხე]