აბიტურიენტები ზოგადი უნარების გამოცდას აბარებენ

30 ივნისსა და პირველ ივლისს აბიტურიენტები ზოგადი უნარების გამოცდებს აბარებენ. მთელი ქვეყნის მასშტაბით, გამოცდის პირველი სესიითვის რეგისტრაცია 08:00 საათზე დაიწყო, მეორე სესიისთვის კი 14:00 საათზე.

ახალციხის საგამოცდო ცენტრის ხელმძღვანელის გელა ინასარიძის თქმით, დღვანდელმა დღემ მშვიდ გარემოში ჩაიარა და არანაირი დარღვევა არ დაფიქსირებულა.

ახალციხის საგამოცდო ცენტრში ზოგადი უნარების გამოცდის პირველ სესიაზე დარეგისტრირებული 234 აბიტურიენტიდან გამოცდაზე 17 არ გამოცხადდა. ხოლო მეორე სესიაზე 266 აბიტურიენტი იყო დარეგისტრირებული, საიდანაც გამოცდაზე 8 არ გამოცხადდა.

შეგახსენებთ, რომ ერთიანი ეროვნული გამოცდები 2014– 26 ივნისს ქართული ენისა და ლიტერატურის გამოცდით დაიწყო. საქართველოს მასშტაბით წელს სულ 36 000–მდე აბიტურიენტია დარეგისტრირებული.

[თამარ თოთაძე, ახალციხე]